Grupi që kreu grabitjen në Rinas, i njëjti më atë të 3 dhjetorit 2015 (Foto)

18:46 | 10 Shkurt 2017
Arbresh.info

Prokuroria e Krimeve të Rënda dyshon fort se grupi që kreu grabitjen e në Rinas ditën e djeshme, është i njëjti që kreu edhe grabitjen e 3 dhjetorit të vitit 2015, po në të njëjtin aks.

makina1 Dyshimet janë përforcuar pas rindërtimit të skenës. Në të dyja grabitjet skena ka qenë e njëjtë, mëson “Panorama”.

Kanë qenë dy automjete, i njëjti numër grabitësish dhe e njëjta metodologji. Njëri automjet ka tentuar të nxjerrë nga rruga blindin ku gjendeshin paratë, po ështu edhe në grabitjen e 3 dhjetorit, raporton “Panorama”.

Grabitësit ishin të maskuar me kamuflazh, të ngjashme me ato të forcave speciale. Ndaj mendohet se janë të njëjtit grabitës ata që në total të kenë vjedhur plot 5 mln euro, ku 3 janë nga grabitja e parë.

Po kështu, Prokuroria ka përjashtuar mundësinë që i njëjti grup të ketë kryer edhe grabitjen brenda aeroportit të Rinasit.